登記網址：https://LNYF2025.eventbrite.co.uk

嚟緊蛇年就係我哋第三年喺同一個場地舉行年宵市集啦，每年我哋都努力加入啲新元素俾大家！上年有林村許願樹，今年就會有桃花樹同埋繪馬許願板，千祈唔好錯過呢個必到打卡位📸

熟食檔種類比上年更加多：潮式牛腩、賀年糕點、燒魷魚、雞蛋仔、菠蘿包、椒鹽魷魚鬚、雲吞麵、蛋撻、港式麵包、台式魯肉飯、港&台式奶茶、港式糖水，多到數都數唔晒！同場仲有各式海味湯包同埋臘腸臘肉膶腸，係補貨嘅最佳機會。另外今次仲有真．台灣同日本參展商加入，佢哋嘅牛肉麵同飯團真係有返咗鄉下嘅感覺！！

乾貨區都唔輸蝕，今年有接近50檔日韓家品、手作飾品以及賀年擺設揮春，保證你會搵到你需要嘅嘢！

活動方面今年我哋安排咗BNO永居入籍講座同埋其他實用講座、大人細路都啱嘅workshop，記得follow我哋Facebook留意最新消息～

根據往年經驗，walkin嘅話有可能要喺外面排隊💨快啲book定你嘅門票啦！
喺Facebook search 倫敦年宵聚 就可以搵到我哋✨