店長的話——讀一兒童港語班
(** 報名連結見留言）
（香港口語）
一家人移民咗嚟英國，年幼子女嘅中文學習從此冇咗？
構思 讀一書店 呢個Project嘅第一日，我就同自己講：「要辦好一個恆常開俾小朋友嘅廣東話及港語課程，令課堂充實亦有趣，既滿足家長對子女延續學習中文嘅盼望，同時都想見到小朋友係快樂咁keep住嚟上堂」。
反覆探索，尋找合適嘅導師，拿捏充實學習跟愉快課堂之間嘅平衡，慶幸結識咗港講廣、粵讀樂園嘅朋友，藉住大家對整個活動嘅付出，先至發展出呢個結合教學、會話、認字、講故事嘅課程。
課程分為幼兒班（4-6歲）及初小班（7-9歲），每個單元4堂，逢星期六早上上堂，為參加嘅小朋友創造一個純中文環境，愉快學習。
第1-3堂係以授課為主嘅恆常廣東話課堂，由經驗豐富嘅導師主持，3-8人小班教學，充分照顧小朋友嘅個別需要。
第4堂係活潑生動嘅親子故事讀書會，希望家長陪同子女一齊出席，即使返到屋企都可以跟小朋友繼續用廣東話講故事。
港語班將於2025年1月正式開始，12月7日及14日特設免費試堂，名額有限，先到先得！
語言係文化傳承當中嘅重要部分，香港人縱使流散各地，共同嘅語言都可以將我哋凝聚在一起，讀一書店希望跟大家一齊去努力。
加油（自己鼓勵自己）！